جديد واصلة من حمص
الجمعة, 12/02/2010 - 15:42
- واحد حمصي قرر يعمل عملية تجميل
ليوسع عيونه
قام فتحهن على بعض
- حمصي متدين قالولو بكرة عيد الحب
قال : شو هالورطة !!!
وهاي كيف صلاتها
- محشش راح يعزي
وبالعزا تأثر كتير
هو وطالع سأل أخو الميت :
ما في أمل يرجع ؟
?- نذل بيصب قهوه لوالده
قللو : شو آخر أخبار النذالة
جاوب الابن بكل ثقة وفشخرة :
نص القهوة ديتول
- ليش الحمصي لما بيحكي مع الأجانب بيخللي عينيه لتحت اللي عم يحكي معه ؟
مشان يقرأ الترجمة
- في حمصي ضيّع مفاتيح سيارته قامو فتحولو الباب بالسيخ
قام عمل نسخة عن السيخ
- مر ة واحد شيخ ماشي الشارع
سأل واحد محشش : أخي الكريم هل لك ان تدلني على الطريق العام وسأكون لك من الشاكرين ؟
قله المحشش : صدق الله العظيم
- حمصي سمى ابنه على اسم أبوه
بابا
-حمصي عمل عملية جراحية .. نجحت
قام عملها مرة تانية
- حمصي راح يشيع بجنازة
سأل واحد : شو بيشتغل الميت
قال : يحفر قبور
قال الحمصي :
سبحان الله ، من حفر حفرتا لاخيه وقع فيها
- حمصي يصلي جنب واحد اسود
قال الامام : استوو
قال الحمصي : احنا استوينا بس في واحد احترق
- حمصي قالوله :
التدخين يؤدي إلى الموت البطيء
قال : أنا أساسا ماني مستعجل
- كلب يلحق محشش بالشارع
وصل لدوار كبير قام يلف والكلب وراه
شافهم واحد قال للمحشش :
اركض بسرعه الكلب قرب منك
قال المحشش : لاتخاف سابقه بلفتين
- سايق تاكسي
من التعب والعرق صارت فيه ريحة كريهه
ركب معاه محشش وسأله سيارتك كم حصان ؟
قاله : 20 حصان
قال المحشش : الظاهر واحد منهم ميت
- جمع أحد الحكماء أبناءه وأعطى أحدهم رمح
وقال : حاول أن تكسره
فكسره الابن بسهوله
فأعطاه رمحين فكسرهما أيضا !
فأعطاه حزمه ، فكسرها كلها!!!!
فقال الحكيم لأولاده :
طالما معكم هذا الثور فلا خوف عليكم
-محشش سألوه : ما هو أقدم حيوان
قال : حمار الوحش
سألوه : ليش ؟
قال : لانه ابيض وأسود
الأحد, 14/02/2010 - 10:42
#3
صارلي 3 سنين بحمص... في الحقيقة, الحماصنة - حسب تجربتي معهم - بيقولوا نكت كتير حلوة بس مو عن الحماصنة نفسن :mrgreen: :mrgreen: ...
التعامل معهم كتير سهل و سلس
مشكورة اخت جانا
:lol: :lol: :lol: :lol: :lol:
ولله فرطت من الضحك الله يعطيكي العافية جانا :lol:
نكت ولا أروع 8)
:wink: :wink: :wink:
:wink: :wink:
:wink:
نحن لا نكتب أهداءاً إلا للغرباء
أما الذين نحبهم فهم جزء من الكتاب وليسوا بحاجة إلى تواقيعاً في الصفحات