نكت
السبت, 16/10/2010 - 21:44
قال في واحد حمصي نزل على الشام على منطقة المرجة فشاف ساعة المرجة فأعجب فيها اجا لعندي واحد شامي قللو شو عجبتك قللو إي والله قللو تشتريها قللو الحمصي إي بأديش قللو الشامي ب3000 ام وافق الحمصي وعطاه المصاري
قللو الشامي خليك هون رايح جيب سيبة مشان نزلها وراح وهادا وش الضيف رجع الحمصي على حمص وهو زعلان
وقال لأخوه القصة فنزل أخو على الشام مشان ياخد بالتار راح على المرجة ووقف قدام الساعة قام شافو الشامي قللو شو عجبتك تشتريها ب 3000 قللو الحمصي إي وعطاه المصاري قللو الشامي خليك هون لجيب السيبة آم قللو الحمصي لا ماحزرت أنت ضل هون أنا رايح جيب السيبة
*******************************************
قال حمصي لصديقه:بتشرب قهوة.
قال صديقه:إذا شربت قهوة ما بقدر نام.
قال الأول:أنا بعكسك تمام بس نام ما فيني اشرب قهوة.
*******************************************
في ولد حمصي يروح كل يوم لعند الخضرجي يسأله عندك بطاطا
يقول الخضرجي: نعم عندي
بيقول له الولد: اعطيني بندورة
وكل يوم على هالحالي حتى عصب الخضرجي وشكاه لأبوه
قام أبوه للولد قال للخضرجي : يا أخي ما عندك عصاي؟
قال الخضرجي: نعم عندي
ٌقال أبوه للولد: اضربو كفين
********************************************
قال:كان في لواء نجحت بنتو بالتاسع قام دبحلها عسكريين
********************************************
في واحد حمصي دق للاستعلامات فردت الموظفة فقال لها اديش
رقم الأطفاء قالتلوا ثلاث تسعات999 قلا أنا عندي تسعة
واحدة فقط فالت له أنت حمصي شي قلة يا ملعونة مركبة كاشف رقم
********************************************
3 تنابل واقفين بالشارع مرقت من قدامون سيارة
قال الأول بعد 10 دقايق: ياالله ما أسرعها
قال التاني بعد نص ساعة: كانت حتدعسنا
قال التالت بعد ساعة ونص: إيمونا من هل سيرة !!!!!
********************************************
المدير: ياريت ماتصفر و أنت عم تشتغل
الصبي ما كنت عم اشتغل كنت بس عم صفر
***************************************************
ليش العصفور في السعودية يطير بجناح واحد؟؟؟؟؟
عشان يمسك عقاله بالجناح الثاني
************************************************
في آخر اجتماع للٌإتحاد النسائي قررت نساء العالم عدم العمل لوحدهن في المنازل و أن على الرجال المشاركة و
بعد فترة اجتمعوا من أجل دراسة النتائج قالت الإنكليزية:أتيت إلى مايكل و قلت له(شوف من اليوم و رايح مافي أنا جوا و أنت برا و متلي متلك و لازم تشتغل معي بالبيت.أول يوم ما شفت شي و تاني يوم ما شفت شي تالت يوم قام حضر الفطور و مشيت الأمور على ذلك.
قالت الفرنسية :أتيت إلى ميشيل و قلت له(شوف من اليوم و رايح مافي أنا جوا و أنت برا و متلي متلك و لازم تشتغل معي بالبيت.أول يوم ما شفت شي و تاني يوم ما شفت شي تالت يوم ضب التخت و مسح البيت و مشيت الأمور.
قالت العربية :أتيت إلى أبو أحمد و قلت له(شوف من اليوم و رايح مافي أنا جوا و أنت برا و متلي متلك و لازم تشتغل معي بالبيت.أول يوم ما شفت شي و تاني يوم ما شفت شي تالت يوم بلشت شوف شوي بعيني الشمال.
************************************************