شاهدت لكم Kung Fu Panda
الخميس, 11/12/2008 - 20:02
فيلم animation من أروع ما شاهدت
الشركة المنتجة : Dreamworks
الأصوات :Jack black , Dustin Hoffman , Angelina Jolie , Jakie Chan و آخرين .
القصة تدور حول محارب التنين الذي يستطيع الوقوف في وجه الشر
الفيلم كان رائعا بكل المقاييس و من الأفكار الجميلة التي كان الفيلم يركز عليها :
- الإنسان لديه القدرة على فعل أمور قد لا يتخيل أنه قادر على فعلها ، لكن يضيع الفرص و يرضى بالقليل .
- يجب أن يكون الانسان ذاته لا أن يكون صورة عن الآخرين و هذا بالتأكيد لا يتعارض مع الاستفادة من خبرات الآخرين .
- من المواقف الجميلة التي عرضها الفيلم : الجميع كان يسعى للحصول على لفيفة التنين و التي تحوي سرا او شيئا سحريا يعطي طاقة فائقة للانسان لكن الباندا و بعد ان أدى واجبه و تدرب جيدا و أصبح أهلا لأن ينال اللفيفة لم يجد فيها شيئا عندما فتحها ، فقط ورقة فارغة رأى فيها خيال وجهه ففهم الرسالة : الانسان وحده يستطيع و لا يجب أن ننتظر الوصفات السحرية بل يجب ان نصنع مخلصنا .
- التلميذ الجيد هو التلميذ المتواضع الذي لا يطغى بعد ان يهبه الله القوة .
- شجرة الشر تهيج لكن شجرة الخير تثمر....
و هناك الكثير من الأفكار الجميلة بانتظاركم لكي تستخرجوها من الفيلم
مشاهدة مفيدة و ممتعة أتمناها لكم :P .......
REBER
الخميس, 11/12/2008 - 20:47
#2
REBER, نصيحة
احضر فلم madagascar
كمان فلم animation
شوفوا كتير حلو
الأمل ينام كالدب بين ضلوعنا منتظراً الربيع لينهض.. (إنديرا غاندي)
الجمعة, 12/12/2008 - 01:58
#3
معك حق رحو
في شغلة كمان حلوة بالفلم و هي
أنو أخر شي والد البندة(صانع الشعيرية) اعترف لابنو انو ما عندو وصفة سحرية متل ما الناس مفكرة
بس ثقتو بنفسو هي الي بتخليه أفضل الجميع
طبعا الفلم كوميدي وممتع
بنصحكم بمتابعة الفلم الجديد
madcascar
أو مدغشقر
قصة مجموعة حيوانات سرك هربانة وضاعو بغابات افريقية
الجمعة, 12/12/2008 - 16:53
#4
وفي كمان فلم ICE AGE
واو الجزء الاول والتاني
شي خيال
الأمل ينام كالدب بين ضلوعنا منتظراً الربيع لينهض.. (إنديرا غاندي)
السبت, 13/12/2008 - 07:11
#5
أهلين هنري و MAS
شكراً للرد
في كمان bug s Life يلي هو حياة حشرة ،من شي خمس سنين شفتو ، بس اذا الواحد شافو بعد عشرة سنين تانية ما رح يكون خسران ، كمان من الروائع و رح نزل ملخص عنو إانشالله لاحقا ً
بالنسبة Madgscar انا كمان سمعت عنو و إنشالله رح شوفو
أما ice age شفتو فكان ظريف و أحلى شي السنجاب المسكين ، على هوى ما بتذكر إنو ما قدر ياكل قطعة البلوط اللي حاول من بداية الفيلم إنو ياكلها :D
سلام
السبت, 13/12/2008 - 10:03
#6
Quote:
madcascar
فعلا هالفلم رائع تابعت الجزء الأول ورح يعرض على فضائية كورد1 Kurd1 مدبلجة للكردية(الكورمانجية) وكمان فلم ICE AGE الجزء الاول منو رح ينعرض عكورد1 ومدبلجة للكردية ببداية 2009 :roll: ...
بس ريبر فلم Kung Fu Panda طلع عالتلفزيون ولا شفتو عالـ DVD ...؟؟؟
الأحد, 14/12/2008 - 17:03
#7
كونغ فو باندا لسا ما طلع عالتلفزيون يا Dilo Hawar,
only on DVD
الأمل ينام كالدب بين ضلوعنا منتظراً الربيع لينهض.. (إنديرا غاندي)
شكراً كتير..
بالفعل الفلم رائع
ومتل ماذكرت الانسان عندو قوة هائلة محدا يقدر يكتشفها غير الشخص نفسو
وانو الباندا شلون انتقل من طباخ شعيرية للاعب كونغ فو
بس لانو هو دائما كان يحلم بالكونغ فو وباللاعبين الاربعة اللي صار واحد منن
واحسن منن كمان
شكراً كتير.. ريبر
الأمل ينام كالدب بين ضلوعنا منتظراً الربيع لينهض.. (إنديرا غاندي)