miço kendes

Wek kelepûr û mîratgiriya hemî netewên dî, li çîyayê Kurdistanê jî
gelek dastan û afsane ji dayik bûne, da ko nirx û wateyên granbuha yên mêsilojyayê û dastanê bercest bikin, li pê wan jî stranbêj û dastanbêj tên, da ko ew jî hem kûrahiyê û jî herikîn û berdewamiyê pêşkêşî dastanan bikin, ew jî bi riya afirandina qehreman û xweş-mêran e ko di encama dawîn de başdarî avakirina dîrok û amaje û xeyala milet dibin. Memê Alan jî di çarçewaya dastanên gelêrî de kesayetayke xweser û balkêş e. Bûyer û rûdanên Dastana Memê Alan bi demê re diherikîn û ji nifşekî digha nifşê din hetanî ko di sedsala 17an de Ehmedê Xanî ew dastan bi awayê helbestek e dastanî vehûna.

MIÇO KENDEŞ di sala 1966 ê de, li bakurê Sûryayê (Kobanî), di nav perên malbatek e kurd de ji dayik bûye. Ji zaroketya xwe ve li ber dengê dengbêj û stranvan û dastanebêjan û di nav şevbuhêrkên ahangane yên ko li malê dihatine saz kirin, perwerde bûye, piştre li ber dengê dapîra xwe hinî rewanbêjî û şêweyên strana-dastanî dibe. Îdî piştî vê qonaxê xwe hinî lêdana biziqê û tenbûrê dike, hişyarî û zanîna xwe ya mûzîkî berfirehtir dike, hem dest bi hînbûna ûdê dike û hem jî bi alîkarya hin mûzîknasên Helebê zanebûna xwe di derheqa meqamên rojhilatê de kûrtir dike. M. Kendeş, dest bi berhevkirina stranên kevin û yên gelêrî dike, li çavkanîyên wan yên resen û zelel digre, anuha jî, ji wê gencîneya ko bi sedan stran têde hene berhevkirin, dest bi hibijartina xwe dike da ko yên herî sipehî, herî narîn, bi dengê xwe yê
pêldar û afsanewî û bi şarezayiya dastanbêjîya xwe, pêşkêşî me dike
http://www.m-kendes.ch/