برأيك ما هي افضل جامعة في سوريا ؟؟؟
السبت, 26/07/2008 - 22:46
مرحبا أحبتي في كوليلك ..
حبيت أطرح هذا الموضوع ..
لكي يستفيد منه طلاب الباكلوريا الناجحين مؤخرا. .. و على راسهم أنا ..
علما أنني قلصت خيارات التصويت ..لأنه أقصى حد للخيارات..
لذا ياريت تصوتوا بس بموضوعية...
تحياتي لكم ..
الأحد, 27/07/2008 - 21:31
#3
أهلا بك أولا أخي Shirzad,
طبعا كما قلت تتميز بعض الجامعات بميزة دون الأخرى ..
ولكن سؤالي هو بشكل عام بالنسبة للمستوى العلمي .. التجهيز العملي ...
الأبنية .... الخدمات ... الاهتمام و الاستماع للطالب ...
أما أنت أخي azadhg,
فهذا رأيك الشخصي .. و نحن نحترمه ..
ولكن ما باليد حيلة هذه هي الجامعات الموجودة في سوريا ...!!!
تحياتي ..
الأحد, 27/07/2008 - 21:34
#4
حسب مبدأ مو جابرك عالمر الا الأمر
فأنا برأيي جامعة القلمون هي الأفضل
السبت, 16/08/2008 - 14:40
#6
تكس نابي ماصتيمن طرشا.
أولاً صديقي العزيز من ناحية الدراسة السهلة بشوف جامعة دمشق هي أسهل جامعة من حيث التدريس .
وجامعة البعث وتشرين هما أفضل جامعتان من حيث الخدمات .
وجامعة حلب هي أفضل نظام بنائي من بين الجامعات .
وبرايي الجامعات الخاصة هي أسوأ جامعات عرفتها لأنها هي عبارة عن مشلح للطلاب .
ولك جزيل الشكر.
السبت, 16/08/2008 - 14:49
#7
bave-seyda wrote:
تكس نابي ماصتيمن طرشا.
وبرايي الجامعات الخاصة هي أسوأ جامعات عرفتها لأنها هي عبارة عن مشلح للطلاب .
:roll: هاجمتها ماديا.....بس ممكن علميا....((القلمون))لازالت الأفضل بين ((الخاصة)) & ((الحكومية))....
بصراحة....أنا هلاء بجامعة البعث....بس ندمت لأن ضيعت على حالي فرصة الدراسة بالـــ((قلمون))
السبت, 16/08/2008 - 16:47
#8
عزيزي عاشق كردستان لنكن شوي واقعيين .
أولاً أنا ما عم بهاجم بالمادة متل ما عم تقول بس في واقع ولازم نعترف فيو
ثانياً الدراسة بالسورية كلها صايرة بالمصاري لا تقول الجامعات الحكومية بتكون مجاني أخي هلا الطالب النظامي إذا بتقارنو مع الطالب التعليم المفتوح برأيك أنو واحد أحسن؟؟؟ بدي قلك الطالب النظامي بيشتري كتب وملخصات ونوطات و........و ما عدا المصاريف البرانية مع الدوام على طول السنة بالمقابل الطالب التعليم المفتوح مابيشتري شي ما عدا كم دفتر وكم قلم بكفيو طول السنة وهو قاعد ببيتو
إذا بنجي من الناحية العلمية ما فيك تقول عن القلمون بإنها الأفضل لأنو كل جامعة لها ميزة أجابية من ناحية إعطاء العلم .
الجمعة, 22/05/2009 - 15:39
#9
موضوعك حلو , وحطيت أيدك ع الجرح
أنا بدرس بجامعة المأمون
من حيث المنهاج ... فمنهاج الجامعة عنا أعتقد أنو بينافس منهاج الجامعات التانية لأنو كله جديد و كتب المواد عم تجي من بريطانيا و نظام الدراسة فيها نظام الساعات المعتمدة اللي بتجبر الطالب أنه يدرس لينجح ... في محاسة ع الدوام صارمة ... لكل مادة في أختبارين و كويز ( واللي هو أختبار مفاجئ بخمس علامات غالبا ) و أمتحان هذا للقسم النظري .. وإذا كان في عملي للمادة فكمان في ألها كويز و أمتحان و حلقة بحث أو مشروع .... يعني بدك تدرس بدك تدرس
الدكاترة عنا كتار منهون من دكاترة الجامعات الحكومية المميزين ... و في دكاترة عراقيين ...
على حسب حكي دكاترتنا اللي بيدرسوا بجامعات حكومية كمان ... عم يقولو الدراسة عنا أحسن ... بس الفرق هو كالتالي :
الطالب اللي بيجي عالجامعة الخاصة ع الأغلب ما بتكون هاممته المصاري فبيكون مو مهتم بالدراسة زيادة هذا أولا
تانيا .. كل الطلاب بالجامعات الخاصة مو من نفس المستوى الدراسي .. يعني مو كلهون جايين لأنهون بيستاهلو الفرع أو مو كلهون جايين لأنو حابين هذا الفرع ..
بس طبعا و بشاهدة الدكاترة في طلاب عنا بيعتبروا عباقرة ...
وفي النهاية ... كل الجامعات خير و بركة المهم الواحد يدرس .. :)
:arrow: :arrow: :arrow:
أهلاً بك أخي DLORINO,
ولكن لم تقل الأفضلية من أية ناحية ؟؟
لأنه كثيراً ما نرى جامعة تفوق جامعة أخرى بإحدى الميزات .. فأنت أي ميزة تهمك ؟ أية رغبة بالذات تهمك ؟؟
~ْ~ْ~ْ~ْ~ْ~ْ~ْ~ْ~ْ~ْ~ْ~
لنحب كل الناس.. لنحب من يتفقون معنا لنتعاون معهم ، ونحب من يختلفون معنا لنتحاور معهم