مصطلحات من حمص
علاي: عليه مثل الحق علاي وتعني أنه هو المذنب أو المقصر في الأمر
شوية اللخر : بعد شوي ..
تعا كل يوم : أداة للتخويت
حسن صبي : بنت مستزلمة
زكُوْرْت : زلمي (رجاااااااال يقبرني شو رجال) منالخالدية، باب السباع، باب الدريب، باب تدمر، جورة الشيّاح وهالحارات القديمة
شووو مشان : أداة للتساؤل
شوفي ما في: أداة للسؤال عن كل شيء بكلمتين
خملت : أي حسبت (ظننت)
لسع : ليس بعد
مصرع : تعني حدوث الشيء بأسرع من المتوقع، مثال : مصرع ما اجيت اي اجيت على حين
على حين : بكير
لا ولو : أداة تخويت ومسخرة
أحِّط : او عند الشوام : قحط تعني حليق وباللغة الفصحى اذهب من هنا أيها الوغد
ايووووووو: أداة للنداء والاستهزاء، مستخدمة من قبل شوفيرية السرافيس على وجه الخصوص
عم تبلتس : يعني فاتح البلوتوث وعم تظبط شي بنت
أبو عبدو : أداة للتكلم مع شخص ما بتعرف شو اسمه
خيوووو : تعني ... هادا يا أخونا الكريم...
طلاع من راسي : حلّ عني
ماااااااااخرج : أداة للنهي والتملص
كفوووو : أداة نفش
كبييييييييير : كمان أداة نفش
وجع : تعني وحسكة وعلة
سرسري : شخص صاحب مشاكل كتيرة (مشكلجي)
محسوبك : خدام شواربك
طنط : شب محسوب بالغلط عل الشباب
نيان : متل طنط
حاج تتمسخر : حاج تتخوت
دشرو : اتركه
ماني غضران : غير قادر
عم يزوغل : يعني عم يغش
اقطعله كرت : يعني احلقله عالناشف
الله يمنترك؟؟؟؟ لا اعرف شرحها مرة بقولوا لشي منيح ومرة لشي عاطل
تنزل عليك النزلة .................. دعوة خفيفة على حدا
مفشكل : أي غير مرتب ولها مرادف مخربط
بفرد مرة : معا
يندفس : يعني ينام
يئبر بعضو : يعني يصطفل شو بنعمله
أبو شمسو : اشهر بياع حمُّص بأبو العوف
عمنوَّل : وتعني السنة الماضية
أول عمنوَّل : وتعني السنة ما قبل الماضية
من اول عمنول : وتعني من سنتين مضواااا
شلافيط : تعني ساخن جداً او حار جدا وكمان تشلفط تمي..اي احترق تمي يا ما ما
حاجي عاد : أداة طلب للتوقف عن فعل أو قول
حبالتاي : وا أسفاه عليه
يتربح خطيتا : يحمل ذنبها
ولآن الجوع : جائع كثيرا
كماجي : رغيف خبز
عم يبرطن : عم يثرثر
عم يأفلم : عم يتخوت
مشلبن : ناعم
مصرصع : ضعيف جدا
مسحلل : كمان ضعيف
منظنظ : ناعم زياده
مزوزأ : شديد الاعتناء بنفسه
مونون : موسوس
مونَئ : ما بيعجبه العجب
مسودن : شديد النظافة
مكرشن : مزموم
مكرِّش : أي صار له كرش
مطبلج : سمنان
معجعج : سمنان حتى مرحلة العجعجة من وين ما برمته
متصربع : قاعد ومجعوص على شي كرسي
أريضه : لا معنى لها بتقولا إذا شي دايقك أكتر من مرة
زرز : دمه خفيف
أبّوع : وهو ماتوضع فيه البوظة
كُبّاي : قرص كبه
كوباي : اي كاسه شاي
المباراي : هي المباراه
كمشة : تعني شوي
جاموقة : بركة المي خاصة بعد المطر
مأآآآآطخ : آخذ وضعية منحنية
مطبوز : حردان
هايشي : ومعناها أجدب أو جدبي وتطلق على المذكر والمؤنث على حد سواء
منقووووووووووووول
ماني غضران حلوة :lol:
شكرا الك على الطرح الجميل