الكردي يلي ما بيعرف كردي.......
اكيد هادا الموضوع انطرح كتييييييييير وكتييييييييييييير بس انا انزعجت من هدا الموقف الي صار معي قبل فترة. اذا فاضي اسمع ياسيدي وياسيدتي:
انا بشغلي بتعامل بحكم المنطقة مع ناس كلهم عرب وكمان مسيحيين طبعا الناس هون كتير كويسين ,ويمكن اذا قلتلكم كم كردي بعرف بنعدوا عالاصابع....
في يوم اجى شاب جديد يشتغل معنا. وانا كان كل فكري انه مسيحي بحكم انه كان بشتغل مع ناس مسيحين وهيك هيئته(يعني المنظر العام).المهم بلا طول سيرة ,انا بطبيعتي بكون جامدة مع الشباب ومابعرف اتعامل معهم يعني كتير جدية معهم(حاطة حدود) :oops: والبنات الي معي بحبو يحكو مع الشباب سواء كانت بنت متزوجة او عزابيه..وكنت اتعامل معه برسمية.......ويادوب .مرحبا.كيفك؟؟؟
في يوم من الايام اجى عنا هادا الشب وكان حاطت اغنية كردي في سيارته.انا كنت قريبة من الشباك واسمعت الاغنية صرت بركض زي المجنونة وبدي اعرف مين حاطط ها الاغنية(لاني نادر جدا اسمع اغنية كردية) لا وكمان كانت رقص كردي .فشفت سيارته انا استغربت انه المسيحي حاطط الاغنية فقلت بحالي اكيد شي حدا هداه الشريط,فسالته لتاكيد:انت الي حاطط الشريط؟
حكالي :اه
قلتله:انت تعرف شو هاي الاغنية؟
حكالي:اه.غنية كردية!!!!!!!!
فصرت احكي بحالي مو معقول انه يكون كردي بس سالته:انت كردي
حكالي:اه,ليش في شي!!!!!!!
قلتله:لا بس انا كردية وكنت بحكي معه باستغراب (كانه كائن فضائي جاي من شي كوكب)
قلتله تعرف تحكي كردي
حكالي:لالالالالالالالالالالالالالالا
هو حكا هاي الكلمة وانا ندمت اني سالته.....
تعرفوا اني كتييييييير انصدمت ,كيف انت كردي وما بتعرف تحكي كردي ,مع انه ابوه وامه اكراد يعني مو واحد منهم عربي.
كيف الواحد يحكي عن حاله كردي بدون مايعرف لغته,اصلا اللغة هي هويتك,انا عندي الواحد الي مابعرف يحكي كردي بعتبر واحد عربي (يعني لما تحكي مع الكوردي بلغتك بتحس بالقرب أكتر من أنك تحكي مع كوردي بالعربي..وشوف كيف بكون وقتهاأحساسك؟؟؟؟ مش راح تحس انه في شي ناقص؟؟)
,لان اللغة هي الاصل,يعني كيف تحط اغنية لبلدك وما بتعرف شو عم يحكي؟؟؟؟؟
وما تحاول تتعلم لغتك الي هي هويتك,
انا بعترف اني مابعرف اقرا واكتب كردي (يعني امية) بس لغتي الكردية جيدة نوعا ما,وهيني بتعلم القراءة
انا بدي اسال سؤال للاباء الاكراد ليش ماعم تعلم ابنك وبنتك لغتك وهويتك :evil:
وعفكرة هاي القصة تكررت معي كذا مرة وكل مرة بيخطر ببالي كذا سؤال.....اوقات بحس ان اللغة الكردية عم بضييييييع منا
اسفة اني طولت بالحكي بس شغلة بتجنن!!!!!!!!!!
من نكر اصله ليس له اصل
مو شرط اذا نكر انو هو كردي معناها مالو اصل
بس كمان اذا ضيع اصلو كمان هو مالو اصل اصلن العرب مابيتقبلو بينهم وأكراد كمان مابيتقبلو
انا برائي انو هاد الانسان مانو كردي وكمان مانو عربي
يعني بأختصار مالو أصل
اختي شافين ..شكرا عالموضوع الحلو................
نعم هناك الكثير..وها الشغلة الحق فيها عالوالدين اولا .....
انا ما بعرف الشغلة هاااااااا راجعة لضعف القومية .....او لضعف المنظمات الكردية المنتشرة بكل مكان وعدم اهتمامها بلغتهم...
بس اولا واخيرا الحق على الوالدين....رح احكي نوذجين وهدول بعرفهم كتير..
واحد بسورية وتزوج من فتاة كردية..بس للاسف الاولاد ما بيعرفوا كردي.ابدا...
وواحد راح سافر ليوغسلافيا ليدرس طب...وهنيك تزوج من وحدة يوغسلافية.. ومن هنيك سافر للسويد ..بعد كم سنة اجا زيارة لسورية هو و عائلته ..تصوري لم اجاااااااااااا ..هو وامراته واولاده يتكلمون الكردية بطلاقة....
قمت قلتلوا والله انتي رجل بكل معنى الكلمة ...طبعا قلتلو السبب ..
يعني الشغلة بدها حس بالمسؤولية ..والقومية...
شكرا الك مرة اخرى....
الحق ليش هلى الأباء بل على الأبناء
قد يكون الاباء عاشوا وترعرعوا في بيئة لا تخولهم الحيث عن الكرد وتاريخهم وانجازاتهم واعلامهم
بل الحق وكل الحق على الشخص نفسه
مثلا
اذا انا كردي بالأصل وبعرف انا كردي بس مابعرف احكي لغتي يعني هل يعقل يوم من الايام ما افكر شو هو معنى الكردي
وشو هي لغتي يعني لازم الفضول لحالوا يجذبني لأسئل عن لغتي وقوميتي واصلي وفصلي فما بالك وانت ذاهب إلى أي مكان اصبخت القضية الكردية تتداول حتى بين العرب انفسهم فيا ترى هل من الممكن ما اسئل على حالي
هاد من وجهة نظري
وشكرا على هذه الموضوع المهم
انا من راي انو الحق مو على الولدين...
أذا كان نسبة الامية بين الكرد اكثر من90%100
انا عم اقصد بكلامة الامية أي عدم قدرتنا على الكتابة
يالغة الكردية... وانتشار الكرد في جميع انحاء العالم
واختطلاهم بثقافات واديان أخرى منما أدى الى نشوء
جيل جديد لايعرف التحدث بي لغة الام
تحياتي
شوي شوي يا جماعة
شي كتير كويس إنو الواحد يعرف لغتو لا وهذا واجب عليه بس هذا ما بيعني إنو نقول عن الكوردي إلي ما بيعرف يحكي لغتو إنو ما عندو أصل
هلا في حدا منكم يقدر يقول عن أحمد كايا مثلا إنو قليل أصل هداك الإنسان ألي عاش منفي من سجن لسجن ومن دولي لدولي كرمال قضيتو معقول هيك نحكي عن الإنسان الكوردي ألي إندفن بمقبرة العظماء بباريس
مع جزيل الشكر لكاتب الموضوع
اخواني كل واحد اله وجهة نظر حلوة وهادا بدل انه احنا بنغااار عوطنيتنا الشاب اصله كوردي وهو بفتخر بكونه كوردي بس هادا مابكفي لازم الواحد يفتش عاصله يعني ازا الاهل قصروا هادا مش معناتو انك توقف..........انت الك اصل لازم تتعرف عليه
اخي husainow: الي بصير معك بصير معنا كلنا هدا بحكم المنطقة الي بنعيش فيها ومافي شي تخجل منه كلنا بنتعلم
اختي bakki: هو مانكر اصله بالعكس تفاخر انه كردي بس هادا مو كل شي اللغة بتعتبر هوية الشخص اذا ضاعت الهوية بضيييع يعني زي العربي لما بتغرب باوروبا ونسي لغته وصار يحكي لغتهم اهله راح يحسوه انه غريب :!:
اخي جانوو:صح الشغلة بدها حس بالمسؤولية والقومية فلازم الاهل يبلشوا مع اولادهم من الصغر مو لما يكبروا يتذكروا 8O
اخي bave-aryan: معك كمان الحق مو كل شي لازم ينحط عالاهل اي نعم عليهم الحمل الاكبر بس الوقت لسى مافات اذا بدوا يلحق اولاده ويعلمهم.. اما اذا ما تعلم فعلى لغته وهويته السلالام
اخي serbst:انا كمان وحدة من الاميات الاتي لاتعرفن القراءة مشا هيك بلشت اتعلم لغتي العريقة وخاصة اني كنت اقع بمواقف محرجة بسبب عدم معرفتي القراءة
اخيshoresh :كل قاعدة لها شواذ احمد كايا كان منفي طيب شو بتحكي عن الفاضي مافي وراه شي ومو مستعد يتعلم لغته :roll:
انا عندي الواحد الي مابعرف يحكي كردي بعتبر واحد عربي
للأسف شفين معظم شبابنا وبناتنا بيفكرو هيك
أنا برأيي بيكفي إنو الشب بيعترف بأصله وما نكرو ويمكن تكون الظروف ما ساعدتو يحكي كردي وما بتعرفي يمكن هو متضايق من هالشلة وبدو يتعلم بس تجيه فرصة
أبدا لا تحكمو ع العالم من أول موقف لأن مكن لو حكيتو معو بشي يخص الأكردا يطلع هو مهتم أكتر مني ومنك
شغلة تانية إذا كل مين ما عرف يحكي كردي بنعتبرو عربي .. طيب والعرب اللي حولينا وبيحكو كردي أحسن من جدي هدول بتعتبريهم أكردا شي؟؟ :wink:
صحيح بيلسان معك حق انه مو لازم نحكم عالشخص من اول مرة( وانا ماحكمت عليه من اول مرة) لانه هو مانكر اصله انا قصدي ليش احنا الاكراد ما عم نحافظ علغتنا لما تسافر لبرا..... يعني والله لما احكي مع واحد او وحدة كردية بلغة العربية بحسها انها غريبة عني.....
وانا صادفني انه في ناس عرب بعرفوا يحكوا احسن مني كوردي بس هادا مو معناته انهم اكراااااد هم بس تعلمو اللغة فقط لاغير .....
وشكرا لكي........
موضوع مهم جدا ً shaveen_shvan ...
سلمت يداك .... و هاي تثبيت .
العلة بأهل وبالمنطقة الي بيعيشو فيها
يعني في كذا جماعة كردية هية سكنين بشام يعني مو بعيد عن قامشلي بس بيحكو عربي اولادهن ما بيعرفو يحكو كردي ابدا لا انو حتى الاهل بيحو مع بعض بالبيت بالعربي
العلة مو بأهل العلة بامنطقة الي نحني عم نعيش فيها انت قلتي انو بهل منطقة الي انت بتشتغلي فيها نادرا ما تشفي شي حدى كردي يعني اللغة الكردي قليل لهيك ما بيعرف يحكي
نحني بالقامشلي نعرف نحكي بالكردي بس ما بنعرف نقرأ ونكتب وقليل ما نشوف حدى بيعرف يقرأ ويكتب
وناس الي عايشين بالكوردستان بيعرفو يحكو يكتبو ب يفرو كمان
انا برأي بيختلف حسب المنطقة الي نحني عايشين فيها
يسلمووووووو ع طرح الموضوع
هذه حقيقة مرة لكنها صحيحة وموجودة بكثرة عند بناتنا وشبابنا الكرد
للاسف الشديد طبعا
كنت من فترة بالمدينة الجامعية لاحظت هذه الظاهرة عند اخواننا الاكراد حصرا ما بيحكوا كردي لازم عربي ولا مو حايلا عربي كمان لازم شامي حصري والا بتدخلي بقائمة المتخلفين وبتكوني دقة قديمة
انشاء يكون ويفهموا انه التطور والرقاء مو هيك ....
شكرا الك :o
Hozan08
يعني من حكيك ببين كانهم ما بدهم يحكوا كردي شو خجلانين من اصلهم :evil:
جيان
طيب اذا بدنا نحكي العلة بالمنطقة.....ليش انا بحكي كردي .وانا عايشة بمنطقة عربية :?: .لان ابي وامي علموني لغتي......وفي اكراد كتيير بسافروا لبره وبعلموا اولادهم لغتهم ..حتى ما تنتسى واذا احنا ما تعلمنا وعلمنا اولادنا اللغة بحجة انه احنا مو عايشين بين الاكراد فعلى لغتنا السلالام....
Roja
والله هاي الظاهرة كتير خطيرة شو يعني صارت لغتنا دقة قديمة ولا صاروا يستحوا من اصلهم(يا عيب الشوم) :evil:
الله يعين والله الكرد مشتتين في شتى بلاد العالم لا وطن موحد لهم حتى الان هكذا بنظري
بس انو الواحد ما يعرف لغتو الام يعني اصلو
معناها هادا انسان ناسي اصلو
مافيني طول كتير بنزعج و بيرتفع ضغطي من هيك شغلات
الله يهدي هيك ناس و يرجعو ل اصالتون الكردية
تحياتي
اهلا بيرمن فادي ...
اغنيت الموضوع برأيك.....
وكلامك للاسف صحيح وهاي هي الحقيقة المرة...
هذه حقيقة مرة لكنها صحيحة وموجودة بكثرة عند بناتنا وشبابنا الكرد
للاسف الشديد طبعا
كنت من فترة بالمدينة الجامعية لاحظت هذه الظاهرة عند اخواننا الاكراد حصرا ما بيحكوا كردي لازم عربي ولا مو حايلا عربي كمان لازم شامي حصري والا بتدخلي بقائمة المتخلفين وبتكوني دقة قديمة
انشاء يكون ويفهموا انه التطور والرقاء مو هيك ....
شكرا الك oشكرا كتير :P
انا لما بحكي مع رفقاتي الاكراد من غير منطقة ما بفهم شوي لانو اللهجات بتتغيرر شوي بس بشكل عاام بفهم بس ولليي لما بحكي وبقولا عييد ما فهمت او بترجم بالعربي بس حالي عم بنشنق شي مخجل جداااااااااااااااااااااااااااااااااا
مشور جدا للموضوع