" كان الوقت صيفا ً وشهر آب على وجه التحديد ، كانت الامتحانات قد انتهت ، و نتائج البكلوريا نزلت و عندما أتت نتيجتي سعدت بها للغاية سيما وأنها كانت فوق توقعاتي :wink:
بعد مدة ذهبت لأسجل في المفاضلة ، بس شو مفاضلة ، تقول يوم الحشر بس مصغر قليلا ً : حر شديد و أعداد هائلة وكل واحد بس بدو يخلص ويمشي حالو ............
اكتر من مرة كان الطابور اللي أنا فيه يوصل عالشباك بعدين بيقولولنا روحو لهنيك ، طلاب العلمي روحو عالشباك التاني :evil:
في هذه المعمعة ( كما يقول المعلقون عندنا :D ) تفقدت أوراقي : الصور الشخصية وصورة الهوية و الطوابع و العمى 8O وين وثيقة النجاح و النسخ !! لك ضاعو ! يا جماعة كنت جايبون معي الصبح ! قبل شوية كانو معي ! لا حول و لا قوة إلا بالله :!:
بصراحة انزعجت كتير وقلقت اكتر ، المهندس اللي كان جايي يسجل أخوه واللي تعرفت عليه قبل شوية صار يهديني ويقللي أكيد شي واحد من رفقاتك و عم يمزح معك هالمزح التقيل :twisted:
سألت كل الأصدقاء : يا شباب مشان الله ، اللي عم يمزح و الله مو هلا وقت هالمزح . و الكل عم يقول : ما شفنا الوثيقة :roll:
أفكار صارت تاخدني و أفكار تجيبني : راحت عليك الجامعة ! شو بدك تعمل هلا :cry:
المهم فتشت بكل المدرسة : كل محل رحتلو ، كل أقسام المدرسة حتى المغاسل قلت بلكي وقعت و أنا عم أشرب المي بس عبس .................، الوثيقة و النسخ ضاعوووووو

و أنا بهديك الحالة أجاني الفرج على يد شاب كان جايي باتجاهي ، الغريب إنو حتى قبل ما يحكي شي حسيت إنو هو رح يكون مفتاح الحل ، و بالفعل كانت الوثيقة و النسخ معو وخبرني إنو شب تاني هو اللي شافون ، و عرفت إنو كنت مضيعون ، طبعا ًكانت نتيجة طبيعية لما بتروح عالتسجيل الصبح الساعة 8 و بتضل لل 4 العصر :evil: "

بهذا إختتمت الحديث لأحد الأصدقاء و أنا أتذكر ذلك اليوم الذي انطبع في ذهني و أنا أقول إن بعد العسر يسرا ً :P .