[مبارح بعد ما نزلت من باص هولير ألي أجيت فيه من قامشلو للحسكي ركبت تكسي وطلبت من الشوفير إنو يوصلني لمبنى الإذاعة والتلفيزيون ,طبعا كنت عم بحكي معو بالعربي لأنو كان في صليب معلق بواجهة السارة من جوىبس لما علا صوت المسجلي تفاجئت إنو المطرب عم يغني بالكوردي فقلتلو (تي كرمانجي)فرد علي بكلمة عفوا شو ؟ قلتلو لا ولي شي بس عم بقول إنو الشريط حلو فسحب نفس وقال بصوت مكسور أي... أي ...هذا الشريط هدتني ياه بنت أشورية قلتلو بس ليش هدتك شريط كوردي ؟ لما سمع الشوفير سؤالي فورا سحب فريم ووقف التكسي وقال ليش هل الغنيي كرديي جاوبتو أي كورديي فرجع سألني بربك الغنيي كرديي قلتلو أي والله كورديي ليش مستغرب فقال ياو لما هدتني الشريط قالتلي إنو الشريط يوناني طبعا بالزور مسكت حالي وما ضحكت بعد الحكي ألي قالو الشوفير ألي طلب مني أترجملو الغنيي ألي ما بعرف اسم صاحبا بس بتذكر كم جملي منا متل (طارق ميفاني منو)وكمان (سي سالي أفيني)طبعا الغنيي كانت رقص كوردي فلاقيت صعوبي كبيري بالترجمي لأنو ما كان فيها فكرة واضحة لأترجما وكمان ما كنت عم بلاقي مرادفات عربيي فترجمتلو الغنيي من عندي وكل شوي هوي عم يسحب نفس وعم يقول الله هذا طارق أنا . وهي تقصدت تعطيني هل شريط وكان كل شوي يقول من بعد إذنك عيدلي هل جملي بعد ما كان يرجعلي الشريط شوي وأنا كنت عم بعيدلو نفس الحكي وهيك ضلينا أنا عم بحكيلو كلام طالع نازل وهوي عم بيهز براسو اوبيقول الله على الحب الله لحتى وصلنى للمكان ألي طلبتو ونزلت من التكسي مباشرة بعد ما قلتلو يعطيك العافي بس هوي ندهلي وقال يا أخ....يا أخ...ممكن ثواني ولما رجعت وقلتلو تفضل شو بدك قالي (بسمام بخدي تي جي زاني بيترجميني