السلام عليكم ورحمة الله وبركاته .

اليوم خلصت الشغل وطلعت نظامي يعني ما تاخرت بالشغل ,,
قلت لاروح انام ساعتين ثلاثة ....مشااااااااااااااان اسهر مع كوليلك :wink:

وصلت عالبيت طلعت عالغرفة مو نظيفة كتير..

قلت يا ولد اشطف الغرفة ...شطفتها ...

ياولد اغسل الثياب فرد مرة كمان ..ما دام اليوم يوم النظافة .

السجادة الصغيرة الي بجنب الباب اغسل ولا لا ..قلت يالله المرة الجاية لساتها نظيفة ؟؟
المهم بلا طول سيرة ..خلصت شطف وغسل ونقخ . :cry:

قلت لكن خليني ارتاح شوي بعد هالتعب ...
لاني بتذكر لمن اختي كانت تغسل الثياب كان اليوم كلو ما حدا يقدر يحكي معها قنبلة موقوتة 8)

قبل ساعتين من هلا طبعا ..شفت جعت من كثر التعب :cry:

قلت يا ولد اطبخلك طبخة .شفت شوية لحمة مع بندورة .مع بصل ..ثوم .
يالله ما اطيبها..
اوووووووو عندي لبن كمان لكن خليني اعملوااا شنينة ..يعني لبن مع الماء
خلطتهم مع بعض ..
بتوقع باردة اطيب ..لكن خليني احطها بالطابق الفوقاني للبراد ,

المهم استوت الطبخة وحطيتها بالصحن .
ورحت اجيب اللبن ..لكني فتحت باب البراد الفوقاني بقوة شوي .

حذركم شو صار.؟؟

سطل اللبن وقع من فوق على ارض الغرفة .
وصار ارضية الغرفة كلها لبن ..فوق هاد كلو ..السجادة الي ما غسلتها كمان تعبت لبن :cry: :cry:

ورجعت من جديد للغسيل ولسا السجادة بالغسالة وانا عم اكتب يوميتي المزفتة .

دمتم بخير وعافية .