ما خوارزي ولو جيدبي خوارزي؟؟؟ خالو والله نسونجي منا
الأربعاء, 25/11/2009 - 09:33
هههههههههههههههه
مسكين يا هنري الصغير
لك امبارح كنت عالباص عم اثبت الهويات سمعت صوت واحد من برا عم يعيط ويصيح ويسبسب
قرب عالباب وصار يقول " أز دي شرفاوا تييييييييييت " " أزي تيتتتتتتتتتتت
بيركاوا " المهم قلت ولي شو صاير
قلتلو خالو طول بالك شو صاير.. قال نحن نأمن فيكن تقوموا تحطوا بناتنا جنب شباب غريبين.. قلت يا حبيبي مين هيك سوا
والله رحنا عالباص.. قام سوا حمام لوج بنتو بالباص وكان بدو يضرب الشب
طبعاً انا كمان تحممت المهم سحبتو عالمكتب وقلت لمدير المكتب هادا جاب اهلنا بفرنكات افهم شو قصتو المهم قال انا باعت بنتي عالثقة شلون تقعدوا شب غريب جنبها
قال مدير المكتب وين الشب.. اجا الشب قال انا مالي علاقة هي قطعتلي انا شو ذنبي اذا هي بدها هيك
البنت انصدمت والكل انصدم.. العمى شلون الواطي من الخوف خلص حالو وحط كلشي برقبة البنت.. البنت صار تبكي وقالت الله لايوفقك ولا يسامحك ياخاين وتفوووووووووووووووووووووووووو :roll:
لك باع كلشي بهديك اللحظة بس مشان يخلص حالو.. العمى....؟؟؟!!!
بالاخير طلع علي الزلمة وقال.. ماخوارزي ولو جيدبي خوارزي.. قلتلو خال والله نسونجي منا
الشي اللي استنتجناه من هالقصة يا شباب وصبايا كوليلك.. هي نصيحة صغيرة لكل البنات..
صدقوني مافي حدا مستاهل تخونوا ثقة أهلكن مشانوا يعني خلي اي بنت تحط حالها بمكان البنت تبع امبارح..
يعني شو رح يكون موقف اهلك منك وموقف امك اللي تدعيلك الف دعوة وانتي طالعة من البيت وتعبيلك الجناطي تبعك اكل ومصاري ولباس
وتقلك الله معك انتبهي على حالك ولا تبردي وشدي حالك والله يوفقك
والله بس لو شفتو شلون دمعوا عيون الاب قدام البنت..
يمكن بعض الناس يقولوا هاي مو اسمها خيانة للاهل بالعكس نحن جامعيات وهادا شي حضاري.. هاي قمة التخلف على فكرة قمة التخلف لما تخالفي امور اهلك وامور شريعتك
روحي انفصلي عن اهلك وعيشي لحالك كانك باوروبا
-- انا اسف عالاطالة --
تقبلوا تحياتي.. هنوووووووري الصغير
الأمل ينام كالدب بين ضلوعنا منتظراً الربيع لينهض.. (إنديرا غاندي)
موقف لا اتمنى ان ارى فيه اي انسان
بجد موقف صعب على الاب وكمان مخجل للفتاة
نسال الله تعال ان يهدينا الى الطريق الصحيح
دمتم بخير...
ذكريات الزمن القادم...