طبعا متل ما بتعرفوا سمو رومانسي اكتر من المعهود :oops:
و مناسبة متل هي ما رح تكون يوم عادي......(ملون)
المهم....اشتغلت المشاعر و الاحاشيش....و قرر المشاركة بما اوتي من قوة و رباطة جأش
و بما ان سمو قلبو مو فاضي.......(يعني كم وحدة حاططن براسو)
نزل عالسوق بدو هدية محرزة :roll: .......و على اول محل محمر.....
فات لجوا و بلش رحلة البحث....
عجبتو كزا قطعة........بس!!!!!
دبدوب صغير متل نص كيلو برغل مكتوي عليه 400 8O
يعني غالي شوي...(شوي)
تعليقة مفاتيح عجبتو كتير.....مكتوب عليها425.5
لك الوردة صار سعرها 150 و ما فوق :cry:
و على صدمة من هون و مفاجأة من هنيك...استنتج انو الاسعار نار
لكن لم يزعزع ذلك من ارادته و مواقفه الثابتة............!!!!!!!!!!!!! 8O 8O 8)
ما ترك محل بالسوق لا بالخضرا و لا بالطفيان و لا بالعاطلية الا و فاتو
ااااااخر شي قرر انو الوردة لحالها بتكفي وبتوصل المعنى اللي بدو ياه يصل...
مد ايدو عجيبتو....و على خمسات و عشرات و خمسوعشريناية.....اشترى وردة حمراء
و توجه للهدف...:صبية بيعرفها ....وكانت واقفة لحالها بالجامعة
اشهر سلاحه(الوردة) و نفخ صدره و انطلق...:
هابي فالنتاين..(قال سمو)
تطلعت فيه الصبية و ردت عليه بنفس الجملة
كيّف سمو ......مشروعو نجح
الصبية اخدت الوردة و شمتها.....(سمو كان عم يطير من الفرح وقتها)
و حطتها مع باقات الورود اللي جابوا الشباب الطيبة.....(سمو كان ملعون نفسو وقتها)
و بالفعل ما كان يوم عادي.....
و زادو صدماتو فوق الالف صدمة....صدمة
و كل عام وانتو بالف صدمة