سلسلة الحوارات الكوليلكيّة !

5
4
3
2
1
0000000
عاشق كردستان says:
شفين....مساء الخير عزيزتي
shaveen_shvan says:
مساء النور..
عاشق كردستان says:
كيف الحال....
shaveen_shvan says:
الحمد لله ...
عاشق كردستان says:
شفين بتشكر قبولك اللقاء طبعا......وأظن في عندك فكرة عن الحوارات الكوليلكية والغاية منها تحقيق مزيد من التعارف بين الأعضاء......وتبادل الفائدة بين الأعضاء
الحوار رح يتضمن مجموعة أسئلة لربما يتواجد سؤال أو أكثر ما بتحبي تجاوبي عليه
بإمكانك رفض أي سؤال ورح كون سعيد باستبداله
shaveen_shvan says:
طبعا.. وهاي الغاية الاساسية التقارب و التعرف فيما بيننا
عاشق كردستان says:
شفين عرفينا على حالك.....بعبارات تختاريها؟
shaveen_shvan says:
انا شافين...من مدينتي الحبيبة القامشلي...عمري 26 سنة.....وانتمي حاليا للطبقة الكادحة......
عاشق كردستان says:
ممكن تفسريلنا أول شي لقبك للي مسجلة فيه بكوليلك
shaveen_shvan says:
طبعا لقبي مكون من اسمين.......اخذت الاسم الاول من الليل فلايوجد شيئ اروع من سكون الليل و منظر المدينة الغاطسة بسواد الليل....... والاسم الثاني اخذته من المطرب شفان بيرور لاني اعشق صوته الرخيم الدافئ...
عاشق كردستان says:
جميل......وأحسنتِ اختيار كلا الاسمين
شفين...... شو بيعنيلك سواد الليل؟
shaveen_shvan says:
سواد الليل.......يعنيلي الحقيقة المختبئة بظلمته.......السكون والراحة
عاشق كردستان says:
إنتِ حاليا خارج مدينتك
وولدتي خارجها أيضا
فشو سبب محبتك الها يا ترى؟
shaveen_shvan says:
طبعا...وللاسف
عاشق كردستان says:
ليش متعلقة فيها؟
shaveen_shvan says:
في اشياء بتيصير النا وبتكون خارج عن ارادتنا
ودائما ندفع ضريبتها لاحقا
اما عن سبب تعلقي بها فهي وطني و منشأ اجدادي
و تاريخي
عاشق كردستان says:
صحيح بس لو ولدتي فيها لكان الأمر طبيعيا...... أما تعلقك فيها بالرغم من أنو من الممكن حتى ما الك فيها ذكريات
فمن الغريب أن تشتاقي لها كما تُظهرين
يعني ما شاء الله بكل رد الك بكوليلك في قامشلي الحبيبة
shaveen_shvan says:
هذا السبب الي بخليني احن الها عدم ولادتي هناك..و عدم مقدرتي على التعرف عليها بصورة خاصة
لكن انا احمل ذكريات كثيرة من هناك
انا لم ألد هناك فهذا لا يعني اني لا اذهب اليها........
عاشق كردستان says:
جميل......
لشو بتحني بمدينتك؟
shaveen_shvan says:
احن لعائلتي
تعرف انا كل ما اشم ريحة التراب الممتزج بماء المطر بحن الها كتير
مع انو بحكوا انها ما فيها شي.بس انا بالنسبة للالي جنة من جنات الارض
عاشق كردستان says:
أكيد كل واحد موطنه الأصلي بالنسبة إله بيكون جنة
shaveen_shvan says:
طبعا..
عاشق كردستان says:
شو للي مانعك ترجعي لهالجنة ؟
shaveen_shvan says:
المانع انه اهلي استقروا هون.....
بالغربة....
يعني لو بأيدي برجع اليوم قبل بكرا.......
عاشق كردستان says:
شفين شو أكثر موضوع جذبك بكوليلك...!
shaveen_shvan says:
ما في موضوع محدد......في مواضيع بستفيد منها بامور لم اعرفها من قبل.....وفي مواضيع تجعلني اكتفي فقط بقرأءتها من كثر ما تأثر فيي.. وهي طبعا بقسم جنة الشعر والخواطر
عاشق كردستان says:
طيب خلينا نوسع السؤال ونقول....شو أكثر بوابة بتحبيها بكوليلك؟
shaveen_shvan says:
انا اكثر اقسام بتصفح فيها......الفكر والثقافة.....و جنة الشعر والخواطر....و حديقة الشريعة والروحانيات
وفي قرات لكم...... كمان
عاشق كردستان says:
شو سبب تسجيلك بكوليلك شفين..!؟
shaveen_shvan says:
.بالاول كان هدفي اني اتعرف على صديقات كرديات .وكنت بحس انه كل المنتديات نفس الشي بس شوي شوي صرت احسه انه مو مجرد منتدى بل بيت اسري كبير....
عاشق كردستان says:
وإن شاء الله تحققت غايتك؟
shaveen_shvan says:
طبعا والحمدلله ....
عاشق كردستان says:
الحمدلله.....
شفين شو بتوصفي الغربة عن الوطن
وشو بتعرفي عن غربة الروح؟
shaveen_shvan says:
الغربة ما هي الا جحيم مغلف بالجنة......
اما غربة الروح هي وجود جسدك بمكان و روحك بمكان اخر.......
لا يستطيع أحد أن يشعر بالغربة ألا الذي عاش فيها مرغما عنه.......
عاشق كردستان says:
كيف.....؟
ما بظن حدا بيعيش الغربة براحتو
كل من يغترب...فهو يغترب رغما عنه
سواءً لظروف سياسة أو اجتماعية أو إقتصادية
بالنهاية كُل مغترب مُرغم على الغربة
أليس كذلك؟
shaveen_shvan says:
صحيح..بس في اشخاص يفعلوا المستحيل فقط ليخرجوا من مدينتهم ظناً منهم انهم سوف يعيشون حياة افضل.......
بس ما في شي بلا ثمن.......
عاشق كردستان says:
صحيح....لكل شيء ثمن
شفين....شو بتحسي وإنتِ بتحكي مع أصدقاء من وطنك عن طريق الشبكة العنكبوتية
وهل بتعوضك عن الصداقات الواقعية؟
shaveen_shvan says:
صدقني لا اعرف كيف اصف شعوري ..
الفرحة
احيانا بالراحة
احيانا بالطمأنينة بانني لست وحيدة هنا
احيانا قد ابكي ..................
احيانا تعوضني عن الصداقات الواقعية.......
عاشق كردستان says:
جميل ......
جدا تفاعلكم مع بعض
طيب شفين خلينا نرجع شوي لشخصك
وإسألك
عن عصابة العنكبوت الأسود شو قصتها؟
ههههههه
shaveen_shvan says:
هههههههههههه
شوف انا ما بعتبر اني انحرمت من اي مرحلة من مراحل حياتي
فكل مرحلة كنت اعطيها حقها
عاشق كردستان says:
جميل جدا
shaveen_shvan says:
اما بالنسبة لعصابة العنكبوت الاسود هاي كانت بمرحلة الدراسية ..يعني كنا عفويين بكل شي..
عاشق كردستان says:
اي تمام
بس بدنا نعرف القصة
shaveen_shvan says:
ااه
بمرحلة التوجيهي الي بتحكوا عنها البكالوريا..كنت انا و 6 بنات عاملين شلة و طبعا لازم يكون الها اسم و انسب اسم لقيناه هو عصابة العنكبوت الاسود
كنا بنحاول بشى الوسائل ان نغيظ مديرتنا من كتر ما كانت شديدة علينا
عاشق كردستان says:
ههههههههه كأنكم كبار على هيك اسم.....!
shaveen_shvan says:
لا ليش بالعكس هاد انسب اسم ممكن نسميه
تعرف انه احنا ألفنا مجموعة اغاني و سجلناها على كاسيت
وستعملنا وقتها اصوات الكاسات والمعالق
عاشق كردستان says:
هههههههههههههههههه وي وي
نزلي الأغاني بكوليلك ورح نعملك دعاية
shaveen_shvan says:
ههههههههه لا خليها مخزنة احسن وبلاش تشوف الضو......
عاشق كردستان says:
ههههه
عزيزتي شفين....شو مفهومك للحريات الشخصية؟
shaveen_shvan says:
انك تعمل اي شي انت بتأمن فيه طبعا ضمن حدود.......
عاشق كردستان says:
مازال ضمن حدود..... ما ضل حرية؟
shaveen_shvan says:
بالعكس لازم تكون الحرية محدودة باطار معين...لانها اذا تعدت هذا الاطار فلن تصبح حرية شخصية بل ستتعدى على الحريات العامة.....
عاشق كردستان says:
الحرية هي أن تفعل ما تريد في الوقت الذي تريد والمكان الذي تريد.....شو رأيك بهالتعريف؟
shaveen_shvan says:
طبعا انا مو مع هالمقولة
لانك مو عايش لوحدك بهالكرة الارضية انت لما تفعل شيئ فمردوده لن يؤذيك فقط بل سيؤذي الناس الي حواليك
عاشق كردستان says:
التدخين هل يُعتبر حريّة شخصية؟
shaveen_shvan says:
لا لا تعتبر حرية شخصية
في شخص بامكانه ان يدخن بدون ما يؤذي الناس الي حواليه
طيب..اذا ما أذى حدا بكفي انه يؤذي جسده الي هي امانة عندو.......
عاشق كردستان says:
لا هيك تطرقتي لموضوع أخر
نحن لازلنا بنحكي عن الحرية الشخصية
shaveen_shvan says:
ما انا قلتلك الحرية محدودة!!!!!!
عاشق كردستان says:
أوكي......
شفين جاوبي عن الأسئلة التالية......بكلمة من ضمن السؤال نفسه؟
shaveen_shvan says:
طيب
عاشق كردستان says:
شفين......فتاة قوية ولا ضعيفة؟
shaveen_shvan says:
ضعيفة
عاشق كردستان says:
شفين..... فتاة مُتفائِلة ولا مُكتئِبة؟
shaveen_shvan says:
متفائلة
عاشق كردستان says:
شفين..... فتاة جريئة ولا جبانة؟
shaveen_shvan says:
شو حطيتني بخانة اليك
وسط
عاشق كردستان says:
غير مقبول
إتفقنا تختاري كلمة ضمن السؤال
shaveen_shvan says:
جريئة
عاشق كردستان says:
شفين....فتاة مُسلِمة كردية أم كُرديّة مُسلِمة؟
shaveen_shvan says:
مسلمة كردية
عاشق كردستان says:
شفين فتاة تميل إلى أحكام العاطفة أم العقل أكثر؟
shaveen_shvan says:
العقل
عاشق كردستان says:
شفين .... فتاة صديقة نفسِها أم لا؟
shaveen_shvan says:
صديقة نفسها
عاشق كردستان says:
شفين.... فتاة واعية أم ساذجة؟
shaveen_shvan says:
واعية
عاشق كردستان says:
شفين.... فتاة مغرورة أم بسيطة؟
shaveen_shvan says:
بسيطة
عاشق كردستان says:
شفين....فتاة صادِقة أم مُنافِقة؟
shaveen_shvan says:
صادقة
عاشق كردستان says:
شفين.... فتاة مُتسرِّعة أم متزِّنة؟
shaveen_shvan says:
التنين
عاشق كردستان says:
كمان غير مقبول...... تقيدي بالنمط المحدد
shaveen_shvan says:
متزنة
عاشق كردستان says:
شفين....فتاة هادئة أم مُشاغبة؟
shaveen_shvan says:
مشاغبة
عاشق كردستان says:
شفين فتاة مُشاكسة ولا مُشاغبة؟
ههههههههه
هيك أصح السؤال
shaveen_shvan says:
هههههههه
مشاكسة
عاشق كردستان says:
خلص النمط المحدد من الأسئلة بإمكانك بعد الأن تاخدي راحتك بالإجابات
ماشاء الله عليكي نقيتي لحالك كل الشغلات الإيجابية بالأسئلة.....هههههههه
شو الصفة السلبية بشخص شفين...!؟
هههه
shaveen_shvan says:
ضعيفة
ضعيفة من كل ما بدور من حواليي...لما احس ان الرحمة بلشت تخف من قلوب الناس
و شديدة التعلق بالناس الي بتعرف عليهم
عاشق كردستان says:
معناها كان لازم بالسؤال الخامس تختاري العاطفة
shaveen_shvan says:
لا انا لما بدي احكم بشغلة معينة بحكم بعقلي
اكثر من العاطفة
عاشق كردستان says:
طيب......!
شفين برأيك كيف ممكن الإنسان يكون سعيد؟
shaveen_shvan says:
ما في غير انه يكون قنوع بحياته مع انها صعبة شوي
عاشق كردستان says:
تمام
شفين شو رأيك بمقولة ((وراء كل عظيمٍ إمرأة))؟
shaveen_shvan says:
ارجعنا......!!!!!!!!!!!!!!!!!
عاشق كردستان says:
ههههههههههههههههههههههههههه
السؤال للي ما بدك تجاوبي بإمكانك ترفضيه
وسأكون سعيداً بإستبداله
متلما قلنا بالأول
هههههههه بس أهم شي ما تعصبي
shaveen_shvan says:
لا مو معصبة بس اكيد هاي المقولة ما اجت الا من شخص كان غرقان بحياته و أجت أمرأة كالعادة طبعا وانقذته
عاشق كردستان says:
ههههههههههه كالعادة
shaveen_shvan says:
هههههههه
عاشق كردستان says:
شفين اكتبي أسماء أول خمس أعضاء من كوليلك يخطرو ببالك....بدون ما تفكري ((فقط إكتبي أسماء أول خمس أعضاء بيخطرولك))!
shaveen_shvan says:
كجى قامشلو
نيسان
جودي
بيلا
انا
عاشق كردستان says:
مو بإيدك العنصرية بدمكم.....كتبت خمس أعضاء والخمسة بنات
shaveen_shvan says:
لا بالعكس في كتير اعضاء بكنلهم الاحترام
بس هدول الي خطروا ببالي حاليا
عاشق كردستان says:
تاريخ التسجيل: Jun 01, 2008 ......شو بتوصفي كوليلك بعد ما يقارب العام على تسجيلك فيها؟
shaveen_shvan says:
كوليلك...........زهرة
عاشق كردستان says:
طيب......شو قدمتلك كوليلك خلال هالعام؟
shaveen_shvan says:
اخوان واخوات افتخر بهم جدا.....
عاشق كردستان says:
شو قدمتي إنتي لكوليلك...!
shaveen_shvan says:
هادا السؤال اسأله لكوليلك......
عاشق كردستان says:
معناها رح نترك جواب هالسؤال لقراء الحوار ...!
shaveen_shvan says:
نعم
عاشق كردستان says:
شفين أوصفيلنا ما يلي بعبارة وحدة ((فقط))
shaveen_shvan says:
مرة تانية......
طيب
عاشق كردستان says:
ههههههههههه لا هالمرة سهلة
الأب....
الأم.....
الأخ....
الأخت....
الصديق....
الصديقة....
الحبيب....!
shaveen_shvan says:
الاب.......الروح
الام.........اعذرني لا توصف بكلمة واحدة
الاخ............السند
الاخت..........رفيقتي و كاتمة اسراري
الصديقة....أنا
الحبيب ..لسى ما اجى لاوصفلك اياه
عاشق كردستان says:
ضل الصديق
shaveen_shvan says:
الصديق..ما في شي اسمه صديق تقدر تحكي اخي مو من امي وابي
عاشق كردستان says:
مممممممممممم...........
لا تؤمنين بالصداقة بين الجنسين؟
shaveen_shvan says:
الصداقة بالمعنى الحرفي لا
لان الصداقة قد تأخذ مجرى أخر
بس اذا سألتني هل تؤمني بالاخوة بين الجنسين وقتها بقلك ..........نعم
عاشق كردستان says:
بتخافي من الحب..!؟
أو بالأحرى بتخافي إنك تصادقي صديق قد يتحول مستقبلا إلى حبيب؟
shaveen_shvan says:
غير السؤال
عاشق كردستان says:
شفين..... وجهي كلمة لأعضاء كوليلك كافةً!
shaveen_shvan says:
ما في غير اني اقلكم يسلمو كتير لانكم اعطيتوني اشياء كانت تنقصني بحياتي.........و بتمنالكم من كل قلبي التوفيق والسعادة.....
عاشق كردستان says:
في أعضاء محددين بتحبي توجهيلهم شي؟
shaveen_shvan says:
لا
عاشق كردستان says:
شو بتقولي لماس؟
shaveen_shvan says:
الله يعطيك الي بتتمناه لانك أسست هيك اسرة.....التي اصبحت غالية على قلبي.........
عاشق كردستان says:
ليش ما بدك تقولي للزلمة شكرا كمان
هههههه
shaveen_shvan says:
طبعا كلك كلك كلك سباس
عاشق كردستان says:
هههههه
shaveen_shvan says:
ههههههه
عاشق كردستان says:
شفين في شي بتحبي تضيفيه ... قبل ما نختم الحوار؟
shaveen_shvan says:
بدي اقول لحبيبتي الابدية قامشلو اني لن انساها مهما حييت.......
عاشق كردستان says:
والله صرعتينا بقامشلو
shaveen_shvan says:
ههههههههههههه
عاشق كردستان says:
لو بعرف هيك بدك تقولي ما كان سألتك
ههههههههههههههه
shaveen_shvan says:
هههههههههههههه
طبعا كيف لاكان مسك الختام
عاشق كردستان says:
تقول صارت هوليود هالقامشلو
هههههه
shaveen_shvan says:
هههههههه
عاشق كردستان says:
شكرا مرة تانية لقبولك الحوار ولرحابة صدرك شفين.........
shaveen_shvan says:
أهلا.... سررت جدا بهالحوار
عاشق كردستان says:
إلى اللقاء
shaveen_shvan says:
الى اللقاء