حوار مع Pella

11 ردود [اخر رد]
مشترك منذ تاريخ: 06/01/2006

سلسلة الحوارات الكوليلكيّة !

5
4
3
2
1
000000000
عاشق كردستان says:
بيللا...... مساء الخير عزيزتي
pella says:
مسا النور
عاشق كردستان says:
كيف الحال....عزيزتي
pella says:
بخير والحمد لله
انت كيفك

عاشق كردستان says:
نحمدُ الإله...
pella says:
اي دائما
عاشق كردستان says:
بالبداية بتشكرك لقبول الحوار بيللا...... والحوارات الكوليلكية أظن عندك إطلاع عليها.... حيث الغاية المرجوة منها.... إنها تحقق مزيد من التعارف بين الأعضاء وخلق جو أسري..... أضيفي إلى ذلك إمكانية الإستفادة من تجارب بعضنا البعض...... لربما ضمن هالحوار اطرح سؤال أو أكثر ما بتحبي تجاوبي عليه .... بإمكانك ترفضي أي سؤال .... ورح كون سعيد باستبداله بآخر
نبدأ على بركة الله.....

pella says:
وانا سعيدة بدعوتي للحوار ونبدأ على بركة الله
عاشق كردستان says:
بيللا عرفي الأعضاء على شخصك...... بالطريقة اللي تحبيها!؟
pella says:
بيللا ..فتاة كردية ...ريفية ...مغتربة ...عايشة بالخليج
عاشق كردستان says:
فتاة كردية..... لأي مدى هالكلمة إلها أثر بنفسك؟
ولأي مدى بتحسيها بالغربة

pella says:
لمدى البحر والسما والكون كله
عاشق كردستان says:
يعني أكيد إحساسك فيها أعمق نتيجة اغترابك..!
pella says:
اي أكيد الغربة بتخلي الواحد يحن للوطن أكتر وأكتر (şam şekera welatem şereen trê) يعني قد ما الواحد بيكون مبسوط بالعيشة بس بيضل في شي ناقص وهو الوطن
عاشق كردستان says:
جميل ما استشهدتي به من فنان عظيم..
pella says:
اي فنان الثورة والبركان
عاشق كردستان says:
شو أكثر شي بتحنيله بوطنك.....بيللا!
pella says:
الارض والأهل وكل شي الي ذكريات فيه
عاشق كردستان says:
شو بتعرفيلنا كلمة الغربة...
pella says:
من اسمها واضح ...الغربة شوق حنين اشتياق وبتحس حالك وحيد رغم كل الناس الموجودين
عاشق كردستان says:
Heger tu derya bi aji pella me
شو بتعنيلك هالعبارة
أو بشو بتذكرك!

pella says:
بالبحر وبس
والبحر بيعبر

عاشق كردستان says:
معناها خليني إسألك شو بيعنيلك البحر؟
pella says:
رغم الجمال والصفاء الي بالبحر بشعر كمان بالغموض والمجهول والخوف .... بس كمان بيريحني كتير وبيمتص همومي
عاشق كردستان says:
بيريحك رغم المجهول والخوف للي فيه....!
بتحبي المغامرة؟

pella says:
كتير.......
عاشق كردستان says:
هل سبق وخضتي مغامرة خسرتي فيها....
pella says:
لا
عاشق كردستان says:
أليست المُغامرة نوعاً من التهوُّر....!
pella says:
في شي ....بس لازم الواحد يفكر كتير قبل ما يغامر ويعطي أبعاد كتيرة لهالمغامرة والباقي على الله
عاشق كردستان says:
شو هو الحد الأدنى للنجاح في المغامرة......لحتى تستحق إنّا نخوضها؟
برأيك!

pella says:
وضح اكتر
عاشق كردستان says:
مثلا إذا كان في قدامك مشروع ما نسبة نجاحك فيه 30% رح تخوضي هالمشروع؟
pella says:
لا لازم يكون اكتر من 60 %
عاشق كردستان says:
بس هيك ما ضل في بالموضوع مُغامرة تقريبا
pella says:
هههه كنت عارفة راح تقول هيك
عاشق كردستان says:
معناها اكيد جهزتيلي جواب
pella says:
بدي شي اكيد مشان اغامر

مغامراتي خيلة غير شكل
عاشق كردستان says:
شخص يحتاج لعملية جراحية ما إحتمال نجاح هذه العملية 25% إن فشلت العملية يُفارق الحياة وإن نجحت يُكمل ما تبقى من حياته بشكل طبيعي
في حال رفض إجراء هذه العملية لن يعيش أكثر من سنتين
شو بتنصحيه؟

pella says:
من الناحية الطبية حتى لو كان في أمل 1% بنصح انو يعملها لأنو الموت والحياة أولا واخيراً بيد الله
عاشق كردستان says:
.....تمام
خلينا نرجع لشخصك
وإسألك عن سبب إختيار هاللقب!

pella says:
اوكي
لأنو البحر بيعنيلي كتير والبحر من غير بيللا ما بيسوى شي

عاشق كردستان says:
بعض الناس بيقولو إنو الموج هو جنون البحر....أو سخط البحر....أو غضب البحر.....أو غدر البحر
شو رأيك!
أو بالأحرى شو ردك عليهم

pella says:
البحر صحيح انو غدار أحيانا وليس دائماًً وأنا بالنسبة الي الموج هو اساس البحر وهو حماس وثورة وفشة خلق
بيكفي اني بصوت الموج برتاح

عاشق كردستان says:
جميل.......
بيللا....شو سبب تسجيلك بمنتدى كوليلك؟

pella says:
والله أنا كنت سمعانة بكوليلك ورفيقة لي نصحتني ......وسجلت بفضل اشخاص وبتشكرهم
عاشق كردستان says:
شو بتوصفي كوليلك؟
pella says:
كوليلك ...اسم جميل جداً وبهني صاحب الذوق الرفيع
كوليلك حديقتي التي أفرغ بعض ما لدي لعل وعسى ان تنبت زهرة ينتفع بها كل من يشمها

عاشق كردستان says:
خلينا كمان مرة نرجع لشخصك......
وإسألك عن سبب أخر مرة بكيتي فيها؟

pella says:
اخر مرة وفاة خالتي ..لانو تعذبت كتير .....بس أكتر مرة سنة البكلوريا
عاشق كردستان says:
الله يرحمها....
خلينا نحكي عن أكثر مرة لكن !

pella says:
ويرحم أمواتك
ههههه بلا ما تفتح جروحات

عاشق كردستان says:
ههههههه جروحات البكلوريا؟
pella says:
أكيد
عاشق كردستان says:
طيب بلا ما نفتح جروحاتك ..... وجهي رسالة لطالب البكلوريا للي ممكن يقرأ هالحوار!
pella says:
ما يبيعو مصلحتهم ومستقبلهم كرمال شغلات تلهيهم وما منها فائدة لأن بالنهاية ما في شي يسند الواحد غير علمه
عاشق كردستان says:
يَدَّعي بعض الطلّاب في هذه المرحلة.....أنَّ ما يدرسونه......... لا يُمثِّل أي علم
وإن مثّل عِلماً .... فهو علم ما عاد ينفع هذه الأيام!!!!

pella says:
لا غلط ...ما في شي ينبنى من غير أساس ...وأساس العلم و طريق المستقبل بيتحدد بهالسنة ..وبعدين ما في علم وما بيفيدوطلب العلم فريضة قال الرسول الكريم (ص ) : (( طلب العلم فريضة على كل مسلم ومسلمة ))
:
. وقد ما الواحد تعلم بيضل يحتاج للاكتر...والعلم ما بيتحدد بالعمر
و بيعطى أساس أقوى لأنه الذاكرة بتكون أقوى

عاشق كردستان says:
صحيح...!

بيللا شو مفهومك لحقوق المرأة؟
ما برتاح إذا ما سألت هالسؤال
هههههههه
pella says:
هههههه
بعرف والله
حقوق المرأة .. أخدناها والحمدلله بس لسه في عوائق شوي
وللأسف لسه في عقليات ما فهمت شو هي حقوقها بالضبط

عاشق كردستان says:
طيب شو رأيك توضحي هالحقوق من وجهة نظرك انتي!
pella says:
بالنسبة الي الحمد لله آخدة كل حقوقي بس لغيري ... هي حق الرأي .. والعلم والعمل و( الميراث)
عاشق كردستان says:
وليش الميراث بين قوسين؟
pella says:
لأن ما في وحدة أخدتها أبداً وخصوصي بمنطقتنا وحتى ما بينحكى فيه
عاشق كردستان says:
ههههههه
ما بينحكى فيها كمان

pella says:
ههههه اي والله
عاشق كردستان says:
يعني الرجال محللينها لحالهم
pella says:
اي والله وشكلهم فاهمين الحق غلط ....قال تعالى ((وللذكر مثل حظ الانثيين)) بس ما حدا طبق هالآية للأسف
عاشق كردستان says:
صدق الله العظيم
ما رح فوت بتشريعات الميراث لأن رح ندوخ
بس مو دائما للذكر مثل حظ الانثيين

pella says:
ههههه اي لأنه مو لصالحك هالشي
عاشق كردستان says:
هههههههههه كل ما يُشرَّعُه خالقي هو لصالحي
pella says:
اي نيالك
عاشق كردستان says:
وإنتي كمان نيالك
شايفك مرتاحة
ومبسوطة بالحوار
خليني ضايقك شوي

pella says:
الحمد لله
عاشق كردستان says:
خليني ضايقك شوي
ودخلك بالنمط المحدد الإجابات

pella says:
ماشي
عاشق كردستان says:
بيللا....
جاوبي بكلمة وحدة من ضمن السؤال......على الأسئلة التالية

pella says:
اوكي
عاشق كردستان says:
بيلا....فتاة جريئة ولا جبانة؟
pella says:
جريئة لكن بحدود
عاشق كردستان says:
ما بيهمني غير كلمة جريئة...((تقيدي بكلمة وحدة))
pella says:
بحدود
عاشق كردستان says:
الكلمة الوحدة لازم تكون من ضمن السؤال....وماظن في بالسؤال هالكلمة للي ذكرتيها
pella says:
ههههه
عاشق كردستان says:
من حقك ترفضي السؤال.....بس مو من حقك تلفي وتدوري حواليه
هههههههههههه
بيلا.....فتاة قوية أم ضعيفة؟

pella says:
قوية
عاشق كردستان says:
بيللا....فتاة واضحة أم مُراوِغة؟
pella says:
واضحة
عاشق كردستان says:
بيللا.....شخص سعيد أم حزين؟
pella says:
سعيد
عاشق كردستان says:
بيللا.....فتاة نشيطة أم كسولة؟
pella says:
كسولة
عاشق كردستان says:
بيللا....فتاة مُتزّنة أم طائشة؟
pella says:
متزنة
عاشق كردستان says:
بيللا.... فتاة بريئة أم محتالة؟
pella says:
المشكلة لازم وضح ما بيسير بكلمة
مافيني

عاشق كردستان says:
بترفضي السؤال إذاً؟
pella says:
اي
عاشق كردستان says:
بيللا....فتاة جريئة ولا جبانة؟
pella says:
جريئة
عاشق كردستان says:
بيللا....فتاة مُسلِمة كردية أم كردية مسلمة؟ ((هالسؤال اختاري كلمتين بس من ضمن السؤال كمان)) هههههه
pella says:
مسلمة كردية
عاشق كردستان says:
بيللا.....خلص النمط المحدد بإمكانك تاخدي حريتك بالإجابة من جديد
pella says:
واخيراً
عاشق كردستان says:
هلاء رح إسألك عن إذا ما كنتي فتاة بريئة أم محتالة !
pella says:
بريئة ولكن ليس بدرجة البساطة التي يتوقع البعض أنها غباء
عاشق كردستان says:
يعني نص ونص
pella says:
لا مو محتالة بس بعرف اتصرف بالمواقف
عاشق كردستان says:
جميل......
بيللا..... شو بتعرفي عن السعادة؟
وكيف ممكن يحققها الإنسان؟

pella says:
الرضا والقناعة وراحة البال
بتتحقق السعادة بالقناعة

عاشق كردستان says:
بيللا..... إكتبي ألقاب أول خمس أعضاء يخطرو ببالك في كوليلك ((لا تفكري بالألقاب فقط إكتبي أول خمس أسماء بتخطرلك))...!
pella says:
راميار .. افدال ..سوار ..عاشق كردستان ..روكزانا
عاشق كردستان says:
راميار..... الله يعينه وإن شاء الله بنرجع نشوفو بيناتنا عن قريب
pella says:
آمين يارب والله يسهل عليه
عاشق كردستان says:
نتمنى له عسكرية سعيدة
ولو إنه مستحيل
هههههه

pella says:
يدبر راسو ههههه
عاشق كردستان says:
هههههههه
بيللا.......إذكريلنا موقف طريف مر معك!
pella says:
مرة وقعت عالأرض وما حدا قدر يمسكني من رفقاتي من كتر الضحك وأنا كمان كنت عم بضحك (( والله ما يحط حدا بهيك موقف ))
عاشق كردستان says:
هههههههه شو قصتكم
كلكم بتمرو بنفس الموقف
يعني

pella says:
هههههه فعلا
عاشق كردستان says:
قلنا لهمرين كمان اذكريلنا موقف
قالت نفس هالحكي بالحرف

pella says:
المشكلة انتو بتحرجونا
عاشق كردستان says:
ههههههه
pella says:

اي ما في اطرف من هالمواقف

عاشق كردستان says:
قولتك لازم يكون اسمكم الجنس ((اللطيف)) بيللا ..... ولا الـ ((يالطيف))...!
pella says:
والله الاتنين ما بدي كذب عليك
عاشق كردستان says:
هههههههه
طيب بيللا......وجهي كلمة لأعضاء بتختاريهم من كوليلك؟

pella says:
ما بدي أختار حدا وبدي وجه تحياتي لكل الأعضاء والإداريين والزوار وبتمنى لكوليك الازدهار أكتر وأكتر..
عاشق كردستان says:
بيللا....شو السؤال للي كنتي خايفة إني إسألك ياه....وأنا ما سألته؟
pella says:
ما في شي محدد لاني بتوقع منك كل شي بحكم صراحتك
عاشق كردستان says:
هههههههه
طيب

عاشق كردستان says:
بيللا.....شو أكتر صفة سلبية بتحسيها بنفسك؟
مازالك بتتوقعي كل شي......ما رح خيب توقعاتك
ههههههه

pella says:
العناد أحيانا
بس لأني كردية ما بنلام مو

عاشق كردستان says:
لا هاي مو مشكلتك عزيزتي.....هاي اجتك بالوراثة أبا عن جد نحن الكرد ورثناها
هههههه

pella says:
امن ام كردن سر هشك وهسن ههههه
عاشق كردستان says:
ههههههه
أنا أفرغت مافي جعبتي.....وما بقي عندي غير إني إتشكر للمرة التانية قبولك الدعوة
في شي بتحبي تضيفيه قبل ما نختم عزيزتي؟

pella says:
لا مافي
وبتشكرك كتير عالحوار الجميل

عاشق كردستان says:
إنتو للي بتجملو الحوار مو أنا.........
شكرا بيللا....... وإلى اللقاء

pella says:
تسلم كوليلكيات نحني
عاشق كردستان says:
ههههه والنعم منكم
pella says:
شكرا الك كمان

User offline. Last seen 7 سنة 28 اسبوع ago. Offline
مشترك منذ تاريخ: 19/07/2007

تحية للعاشق الغالي على فكرة الحوارات التي تمتع الجميع.. ثم أين الحوار الثامن إذا كان هذا التاسع.. أم أني لم أقرأه..

أما بللا.. فغنية عن التعريف بمشاركاتها المتزنة ومداخلاتها المميزة في الأوقات المناسبة.. كسائر الأخوات الفاضلات أمثال روكزانا وغيرها..

حوار نظيف وبريء يدل على مدى الصفاء الموجود في كليلكنا الأغرّ..

وسلامي للجميع..

User offline. Last seen 10 سنة 31 اسبوع ago. Offline
مشترك منذ تاريخ: 18/02/2008

هدف الحوارات هو تحقيق الألفة والتقارب ضمن هذه الأسرة الكوليلكية,
والتعريف بجزء ولو كان بسيطاً عن شخصية الأعضاء.
فأشكر العاشق على فكرته الجميلة التي تبعدنا قليلاً عن جو النقاشات والآراء...وتدخلنا فسحة من العفوية والبساطة.

siwar07
كلماتك الأنيقة هي التي تحفزنا على تقديم كل مفيد.

تحياتي لك
.
.

MAS
صورة  MAS's
User offline. Last seen 4 اسبوع 1 يوم ago. Offline
مشترك منذ تاريخ: 14/02/2005

بدك الصراحة siwar07,

انا كمان استغربت انو وصلنا للحوار التاسع

علما اني من متابعي الحوارات , و كل حوار يمكن قاريه اكتر من مرة بس ما شفت الحوار السابع و الثامن

حوار جميل (  عاشق كردستان, ) و ردود لطيفة Pella, )

كل التقدير للجميع

-----------------------------------------
B-Freee...
Change The Way Not The Goal

مشترك منذ تاريخ: 06/01/2006

siwar07,
MAS,

أشكُر مُتابعتَكُم أعزَّائي أما بخصوص ترتيب الحوارات ... فببداية كل حوار تجدون عبارة ((سلسلة الحوارات الكوليلكية)) ... اكبسو عليها بتعرفو وين باقي الحوارات :wink: :wink:

Pella, ولَكِ الشُكرُ عزيزتي

User offline. Last seen 7 سنة 28 اسبوع ago. Offline
مشترك منذ تاريخ: 19/07/2007

تحياتي للجميع..

لم يدرج الحوار الثاني والثامن.. وهي من الأخطاء الفنية التي لا ينبغي أن تتكرر.. فحين يعتذر أحدهم أو يتأخر حواره يجب أن يؤجل رقم الحوار إلى وقته حسب ظروف المتحاور معه وألا يُقفز على التسلسل المعتاد.. حتى لا ندخل في إشكاليات مرة أخرى..

وتمنياتي لك بالنجاح دائمًا أيها العاشق البطل..

User offline. Last seen 12 سنة 6 اسبوع ago. Offline
مشترك منذ تاريخ: 01/06/2008

حوار جميل جدا و ممتع و حلو ان يُقرأ مع سماع موسيقى كلاسيكية :wink:

بيللا كلامك جميل تماما كشخصيتك الرقيقة و الهادئة ...

عاشق كردستان دائما مبدع و له لمسة خاصة بكل حوار...

تشكرات..

User offline. Last seen 14 سنة 24 اسبوع ago. Offline
مشترك منذ تاريخ: 28/03/2006

حوار جميل كالعادة 0000

بيلا حبيبتي انت وردة بدون شك 00

وعزيز عاشق انت نجم متألق 00

على قولة شفين 000
تشكرات :)

مشترك منذ تاريخ: 06/01/2006

siwar07, العزيز ... سأكتب لك سبب ذلك في مكانه المناسب (حوارات كوليلكية)

User offline. Last seen 14 سنة 28 اسبوع ago. Offline
مشترك منذ تاريخ: 10/04/2007

بالعادة كنت توقع المتحاور بشي نقطة كانك ما قدرت تساوي هل الشي مع بيلا .... ؟؟ :wink:

بالتوفيق وشد حالك المرة الجاية ... :)

مشترك منذ تاريخ: 11/02/2007

حوار جميل جدا ....

حبيبتي بيلا .. ردودك كانت لطيفة وممزوجة بالقوة ( طبعا كرمانجة كرمانجة )

عاشق .. دائما اقول عنك بانك المتألق دائما في فكرة الحوارات وغيرها من المواضيع ...

لكن استغربت من شيء واحد فقط ...

بالعادة ما بتخلي الضيف بحالو الا اذا جاوبك على نقطة انت بدك ياها ومصر على انك تعرفها ...
يمكن بيلا ما تركتلك المجال ... بعرفها ( قوية .. وقدها وقدود ) :wink:

بس بشكل عام حوار جميل وممتع ...فيو نكهة كردية .... سباس دكم

مشترك منذ تاريخ: 06/01/2006

shaveen_shvan, أشكرك عزيزتي ... دمتي بكل خير

Roja, تشكرات لك عزيزتي ... دُمتي مُتفهمة حقيقة الحياة وما فيها :wink:

كيفارا, اي أمرك حبيبي ... ما بترتاح إذا ما شفتلك شي علقة يعني :roll:

كجى قامشلو, دُمتِ بنكهة كُورديّة دوماً ... أشكر تواجدك عزيزتي