تحية طيبة ...
بعد ثماني سنوات من الغياب لم تزر خلالها أرض الوطن إلا مرة
واحدة قبل ثلاث سنوات ..
ها هي أختنا الغالية :
( canè omar )
تعود لقضاء عطلة الصيف في قامشلو و مسقط رأسها بلدة
( تربسبي ) حيث ملاعب الصبا و ذكريات الطفولة ...

جاني التي عرفناها في كوليلك من خلال خواطرها أولا
و من ثم تميزها في تعليم لغتنا الكردية ثانيا
كما اشتهرت بحبها ل خبز التنور مع حلاوة حجي علي

و كعادتي عندما أستلم أحدا و عندما قصفت جاني بوابل من
الأسئلة الخفيفة ...
علقت و بكل مرح قائلة :
* شوي شوي خيي وأنا راح أجاوبك على كل أسئلتك

- كيف ستعرفنا جاني بنفسها ?
* يا سيدي أنا اسمي الحقيقي ( جاني عمر ) من تربه سبي
صرلي 8 سنين ساكنة مع أهلي بألمانية .

- وماذا تدرسين ?
* عم بدرس سنة أولى علوم شرق أوسطية و سياسية
و مع الدراسة عم سوي كمان دورة تعليمية بشركة ألمانية

- و هل ل جاني هوايات ?
* عندي هواية الرسم .
يعني فيك تقول هي مجرد محاولات و يمكن سوي عن قريب معرض .

- لحظة فهميني بقى ?
كيف مجرد محاولات و بدك تفتحي معرض عن قريب ?
هاي ما دخلت براسي ?
* يعني ما بعتبر حالي رسامة .
هي مجرد هواية و لكن من كتر ما إلي خوالي عم يزنوا
براسي و بيقولوا :
لوحاتك مشروع معرض ناجح
فقررت أنه بس يصير مجال راح أعرضهم في معرض

- جاني مدرسة لغة كردية مميزة و مواضيعها التعليمية
في كوليلك شاهد على ذلك .
فكيف أستطيع تطوير لغتي الكردية ?
* مشان تطوير لغتك الكردية ما في أسهل منها
أولا عن طريق الانترنت فهناك الكثير من المواقع الغنية بقواعد
اللغة الكردية
و كمان القراءة يعني قراءة اللغة الكردية
فأنا هكذا بدأت بتطوير لغتي .

- كيف ترين إقبال الناس على اللغة و هل تجدين ترحيبا بها ?
* أنا مشان الدروس الكردية وصلت لقناعة و هي :
اكتب بأي لغة بس لا تكتب عن الكرد أو بالكردي لأنه للأسف
ما راح تلاقي حدا يقرأ أو يهتم و ستبقى مغمورا للأبد لا يعرفك أحد .

- سمعنا أنك ستزورين قامشلو و تربسبي قريبا
فما صحة الخبر ?
* بخصوص نزلتي ل قامشلو
فأنا يوم الخميس 25 / 6 / 2010
سأكون في تربسبي ( و كتير مبسووووطة )

- نرجو من الله أن يسعد أختنا جاني
و نتمنى لك قضاء إجازة ممتعة في ربوع الوطن حيث ملاعب
الصبا و موطن الذكريات
بس بالمناسبة :
كنت مفكرك أكبر من هيك نظرا لكتاباتك في كوليلك .
وكنت رح أناديك ب ( عمتي أو خالتي ) بس تفاجأت أنك سنة أولى جامعة ?
صدقيني هههه ?

* هههههههههه
شو خالتي ما خالتي لسه ما خلصنا سن الواحد والعشرين
أشكرك عماد على حسن استضافتك

- و الآن نترككم مع جاني
وأهلا بك في كوليلك الوطن