روق عن نفسك قليلاً واضحك معنا ( الجزء التاسع(خاص بالأطباء))
الطبيب : أسنانك بحاجة إلى تقويم
المريض : هجري و لا ميلادي ؟!!
------------ --------- ----
المريض : يا دكتور أنا بسمع أصوات بس ما بشوف حدا
الدكتور : و إمتى بتسمع هي الأصوات؟
المريض : دايما لما بحكي بالتلفون
------------ --------- ------
سكرتيرة الدكتور : الحق يا دكتور.. المريض اللي طلع من عندك هلا مات عالباب. شو اعمل؟
الدكتور : اقلبي الجثة مشان يبين كأنه مات و هو لسه بدو يدخل لعندي
------------ --------- ------
مريض لدكتور نفسي : ألحقني يا دكتور... انا بشوف الأشياء اللي حتحصل في المستقبل
الدكتور : أي لا... و امتى بدت هالمشكلة معك؟
المريض : الخميس الجاي
------------ --------- -----
المريض حامل علبة فيها حبوب و داخل على الدكتور
المريض : يا دكتور انت وصفتلي هالحبوب مشان صير قوي
الدكتور : صح، شو ما جابو نتيجة؟
المريض : لسه ما بعرف والله، لانه ما فيّ حيل افتح العلبة
------------ --------- ------
الحقني يا دكتور.... نظري صاير ضعيف كتير، باين لازمني نظارات
و انا عم قول هيك كمان، انا صحيح لابس روب ابيض بس هي ملحمة هون مو عيادة
------------ --------- ----
المريض : طمني يا دكتور.. شو العلاج؟
الدكتور : بنصحك تروح عالبحر الميت و تعمل كم حمام طين
المريض : برأيك هاد شي بفيد؟
الدكتور : لا .. بس هيك بتتعود على الجو تحت الارض
------------ --------- ------
الطبيب النفسي : ... و عندك قرايب؟ أهل؟
المريض : أخ توأم. الناس كانو دايما يخربطو بيننا، و كان كل ما هو يعمل غلطة يتهموني انا فيها.. بس انا انتقمت منه الاسبوع اللي مضى
الطبيب : كيف؟
المريض : أنا متت الاسبوع الماضي بس هوه اللي دفنوه
واحد راح عا دكتور عيون قال للدكتور انا ما بشوف لما بسكر عيوني شو السبب برأيك ؟؟؟؟
بدي نظارات مثلا ؟؟؟
الدكتور قال تخيل انك بتشوف ورح تشفا
واحد سمين رح عند دكتور قال للدكتور بدي أنحف
الدكتور: كل يوم بعد العشا لازم تمشي مسافة وبعد عشر ايام حاكيني
السمين بعد 10 ايام أتصل بالدكتور ها دكتور وصلت لحدود تركيا ارجع ولا كمل
شكراً فعلاً روقتينا
واحد ثمين راح لعند دكتور فنصحه أن يأكل كل يوم صندويشة .
فسأله المريض قبل الأكل ولا بعده .
أهلا وسهلا بكل الأعضاء
بــــين كل فترة وفترة بيلزمنا شــوية ضحك وفرفشة
لأنو الحياة بــدا تمشي وبــدنا نمشي معاها
يسلمو عالردود شباب
والله يجعل أيامكم كلها ضحك وبسط يارب
شكرا شكسبير عفوا سوزدل
صراخ ل مريض آي آي آي آآآي
الدكتور : شو بك شو صر لك
أي لسا ما لمست اسنانك
المريض : بعرف دكتوووور بس
إنت داعس على رجلي
NY