طفله ترفع الضغط !!!
طفله ترفع الضغط !!!
التلفون يرن...
الطفلة: الووو
الامراة:الووو مرحبا
الطفلة : اهلين ..
الامراة : وين الوالدة؟
الطفلة: فش عنا وحدة والدة..
الامراة: له له عيب عليك .. لاسمح الله الله يخليلكم اياها..
الطفلة : شو لا سمح الله ما لا سمح الله ... بقوليك فش عنا والدة...
الامراة: اه ... قديش عمرك يا شاطرة؟؟
الطفلة: وشو عرفك اني شاطرة..
الامراة تضحك وتقول .. مبين عليك خفيفة دم..
الطفلة: انت الي خفيفة دم .. اوعي تقولي عني هيك..
الامراة : مبين عليك زغيرة ؟
الطفلة : انا اطول منك...
الامراة: طيب يلا عطيني ماما..
الطفلة : ليش هي امك عنا؟؟
الامراة خلص نادي امك..
الطفلة : فش عند امي نادي ..
الامراة : الله يصبرني ..
الطفلة : يصبرك مع شوك ولا بدون شوك؟
الامراة :تصرخ " اعطيني حدا كبيرررر"
الطفلة : كبير ,بالحجم ولا بالطول ولا بالعمر..
الامراة : اعطيني واحد برميل احكي معووو..
الطفلة: استغفر الله العظيم بدك تحكي مع برميل.. بس برميل جماد..
الامراة : هسا جاي عندك .. اعطيني حدا كبير..
الطفلة : تجيش عندي لانو عندي صاحباتي بلكي لما روحو جيتي بكون احسن..
الامراة : طيب بس لشوفك لاعمل منك بطاطا..
الطفلة : بطاطا مسلوفة ولا شوي بالفرن؟
الامراة : احسنلك اسكتي لانك زعلتيني ..
الطفلة : مين الي زعل تيني وليش التين اصلا بزعل ؟
الامراة : بكفي زودتيها عاد ..
الطفلة : وين عاد الي بيته ؟
الامراة : اه الي بيته .. مبسوطة ..
الطفلة : الصراحة مش مبسوطة .. في اشي مزعلني ..
الامراة : خليه يزعلك بلكي فقعتي زي البالون ..
الطفلة : شو لون البالون الي بلكي فقعت زيو؟؟
الامراة : تصرخ باعلى صوتها .." وين الوالدة؟؟؟"
فتأخذ الام التلفون من الطفلة ..
وتقول الوو .. مين معي ..؟
الامراة : ول علينا ..شو هالبنت هاي اطلعت لي قرن براسي..
الام : قرن ايش , قرن الغزال ولا قرن موز..
الامراة: زي دايما رايقة وبتحبي تمزحي .. لع اطلعتلي قرن ثور..
الام: شو حجمه الثور ؟
الامراة تغلق السماعة.. وتذهب الى بيت صديقتها ..ترن الجرس ..
فتقول الام للطفلة : ارمحي شوفي مين على الباب ..
تركض الطفلة نحو الباب ,تجلب كرسي وتصعد عليه ثم تنظر الى اعلى الباب وتقول فش حدا على الباب في وحدة وراها..
فتقول الام : خلص خليها ترن على الجرس قد ما بدها ..
الطفلة : أي جرس ؟ جرس المدرسة؟؟؟
الام : لع جرس الدار ..
الطفلة :جرس دارنا هاي ولا الدر الجديدة الي بدنا نبنيها..
الام : لع جرس دار الجيران..
الطفلة : ليش في عند الجيران جرس وحول واركب على الفرس ..
وعلى هالموال ....ليل نهار....
Moon
والله معك حق أخي مموزين بس بدنا نسأل مون كيف المرأة مرافقة هيك مرأة ومتحملتها هي وبنتها .....؟!!
والله معك حق أخي مموزين بس بدنا نسأل مون كيف المرأة مرافقة هيك مرأة ومتحملتها هي وبنتها .....؟!!
شكرا على مروركما ....
روشدار الامراة وحدة متل الام وطفلتها ....
لما قالت :
خليه يزعلك بلكي فقعتي زي البالون ..
تحياتي
Moon
مبين انو الاب مات من زمان المسكين راح فيها وارتاح منهم هههه
الله لايرزقنا لازوجة هيك ولا اطفال هيك ..........ياستار رفعتلي الضغط فعلا وانا قاعد