لكاااااان إذا ماكنت شامي عن حأ وحأيئ لا تحاول تئرا
أول ما جهجه الضو ، إجا يوسف ليشطف البيت منشان البأ ، سكر باب لصئاء ، شلح الشحاطة منشان ما يجئجئ ، وجرجر الكراسي و شئفة الزريعة ، وتكتك شلون بدو يشطف ، بحبش شوي ، دندل البربيش وشغل المي من الجب ، سخنا عالنار لبقبقت و بربقت ، وكتا بالحوش الجواني بالطاسة لأنو ما عندن سطل أو ئسطل وصهريج و خرطوم ، ودعك الأرض منيح من الزفر لأنو دبئة ، فك الكمر ليترحرح وشلح الشلحة ، منشان ما تتشحور ، وشلفا وراه وفشخ فوق المي ودئر شوي وبعدين نط بجعزة ، تفشكل بكومة دف ، وانطبش جواتا ، طبشة آااتولية ، وانجرحت أيدو واوا حشك ولبك ، وبعئ وجعر آخ يامو ، يابي وإجيت إمو وبإيدا الطواية والشمشاية وقالتلو يييي عليك ، ليش عبتحركش وتنكش متل البوبو ، كنت امسوك الدرابزين ، شو معمصة عيونك ومفشفش ، ئعود عالبرطوشة وتلقح عالزيق ، وحاج تطرطق وتفرتك ، دحته دحه ، وجابتلو شئفة شرطوطة وربطتا ، بعد ما خسلتا بالمي وعصرتا ، وطرطشت تنورتا ، و آااالتلو ئوم تغندر وليييي على آااامتك شو نعيان ، ناتع هالطول علفاضي ، أوم من وششي ، هزيتللي بدني ، وما شطفت البيت ولا راح البأ تضرب بيهالآااامي ...